Казанда «Муллык» халык куллану товарлары ярминкәсе уздырыла

Казанда «Муллык» халык куллану товарлары ярминкәсе уздырыла

<div class="detail-picture"> <img src="https://kzn.ru/upload/iblock/416/4163482184c2f1977bfd6106f77267f2.jpg"> <p class="detail-picture__caption"> Денис Гордийко фотосы </p> </div> <p> Татарстан башкаласында урнашкан Спорт сараенда 25–29 март көннәрендә халык куллану товарлары ярминкәсе – «Муллык/Изобилие» дип аталган милли сәүдә фестивале уза. Сәүдә фестивале мәйданчыгында азык-төлек, кием-салым һәм аяк киемнәрен, текстиль товарларны, ювелир, халык һөнәрчелеге эшләнмәләрен, бизәнгечләр тәкъдим итә торган нокталар эшләячәк. </p> <p> Фестивальдә республиканың кече һәм урта эшмәкәрлек вәкилләре үз продукциясен тәкъдим итә ала. Моның өчен ярминкәнең рәсми сайтында стендны әлеге <a target="_blank" href="https://izobilie-kazan.ru/">сылтама</a> буенча броньларга була. </p> <p> Фестиваль, үз чиратында, җирле җитештерүчеләргә ярдәм итү, шулай ук халыкның сыйфатлы товарлардан файдалана алу мөмкинлеген арттыру максатыннан уздырыла. </p> <p> Сәүдә фестивале Мәскәү урамы, 1 йорт адресы буенча урнашкан Спорт сарае фойесында оештырыла. 25 марттан 28 мартка кадәр шәһәр халкын һәм башкала кунакларын фестиваль мәйданчыгында 10:00–19:00 вакыт аралыгында көтәләр. Якшәмбе, 29 март көнне ярминкә сәгать 10:00 дән 15:00 гә кадәр эшләячәк. </p> <p> Проект Татарстан Республикасы рәисе администрациясе, Татарстан Республикасы Авыл хуҗалыгы һәм азык-төлек министрлыгы, Татарстан Республикасы Сәнәгать һәм сәүдә министрлыгы, Татарстан Республикасы Икътисад министрлыгы, «Татарстан Республикасы Муниципаль берәмлекләре советы» ассоциациясе, «Татарстан Республикасы Сәүдә-сәнәгать палатасы» берлеге һәм «Татарстан халыклары ассамблеясе» ярдәмендә гамәлгә ашырыла. </p>

2026-03-23T15:19:22+0300