Казанда үзмәшгульләр өчен форум узачак

Казанда үзмәшгульләр өчен форум узачак

<p> <img width="870" src="https://www.kzn.ru/upload/iblock/3d3/MMB_1505.jpg" height="653"><br> </p> <p> <span style="color: #3d3d3d;">(Казан шәһәре KZN.RU, 11-нче сентябрь). 19-20-нче сентябрь көннәрендә Казанда үзмәшгульләр өчен форум узачак. Татарстан микроэшмәкәрләре Горки-Әмәт урманына җыелачак, алар ярминкәдә үз хезмәтләрен һәм продукцияләрен күрсәтәчәкләр, үзмәшгульлекнең актуаль мәсьәләләре буенча фикер алышу өчен хакимият органнары һәм эшмәкәрлек җәмгыяте вәкилләре белән очрашулар уздырачак.</span> </p> <p> <span style="color: #3d3d3d;">Форумның эшлекле программасы эшчәнлекне алып бару барышында республиканың үзмәшгуль кешеләрендә барлыкка килә торган төрле мәсьәләләр буенча стратегик сессияләр форматында узачак. Сессия республика хакимият органнары һәм җирле үзидарә органнары вәкилләре катнашында узачак.</span> </p> <p> <span style="color: #3d3d3d;">Форумда үзмәшгульләргә дәүләт ярдәме чаралары, махсус салым режимын сайлаган гражданнарның электрон сәүдә мәйданчыкларында эше, аларның кредит оешмалары белән хезмәттәшлеге кебек мәсьәләләр күтәреләчәк. Форумда катнашучылар шулай ук эшчәнлек алып барганда үзмәшгуль татарстанлылар очраша торган норматив-хокукый чикләүләр һәм аларның контроль-күзәтчелек органнары белән үзара хезмәттәшлеге турында фикер алышачак.</span> </p> <p> <span style="color: #3d3d3d;">Санитар-эпидемиологик куркынычсызлык чараларын үтәү максатларында эшлекле программада 40-ка кадәр кеше катнашачак, шул ук вакытта теләүчеләр чарага YouTube платформасында узачак трансляция аша кушыла алачак, дип хәбәр итә ТР Икътисад министрлыгы матбугат хезмәте.</span> </p> <p> <span style="color: #3d3d3d;">Форум мәйданчыгында эшлекле программадан тыш, үзмәшгульләр продукциясе ярминкәсе оештырылачак, маркетплейсларда микроэшкуарлар товарларын урнаштыруга багышланган күргәзмә-лекторийләр узачак.</span> </p> <p> <span style="color: #3d3d3d;">Чара кече һәм урта бизнеска ярдәм итү буенча илкләм проект кысаларында узачак.</span> </p> <p> <span style="color: #3d3d3d;">Бүген үзмәшгульләр сыйфатында 78 меңгә якын татарстанлы теркәлгән. Моннан тыш, яшәү урыны буенча илнең башка субъектларында теркәлгән тагын 8,6 мең чит шәһәр гражданы үз эшчәнлеген алып бару төбәге буларак республиканы сайлады. Федераль салым хезмәте мәгълүматлары буенча, республиканың иң популяр эшчәнлек төрләре булып пассажирлар йөртү, фатирларны арендага бирү, консультацияләү, репетиторлык, программалаштыру, маркетинг һәм реклама тора.</span> </p>

2020-09-11T12:30:43+0300