Февраль аенда Казанның Халыкны эш белән тәэмин итү үзәге дүрт вакансия ярминкәсе үткәрәчәк

Якындагы чара киләсе атнада узачак

Фото: Денис Гордийко

Февраль аенда Казан халкына дүрт вакансия ярминкәсендә эш табарга ярдәм итәчәкләр. Чаралар Халыкны эш белән тәэмин итү үзәгенең барлык филиалларында оештырылачак.

Килүчеләргә район предприятиеләрендә буш эш урыннары һәм вакантлы вазыйфалар турында сөйләячәкләр, дәүләт гарантияләре, хезмәт өлкәсендәге законнар мәсьәләләре буенча консультация бирәчәкләр.

Якындагы вакансияләр ярминкәсе 20 нче февральдә узачак. Киров һәм Мәскәү районнарында яшәүчеләрне 10:00 сәгатьтән 12:00 сәгатькә кадәр Гагарин урамы, 46 адресы буенча көтәчәкләр. Белешмәләр өчен телефон: +7 (843) 564-38-32.

Вахитов һәм Идел буе районнары буенча мәшгульлек үзәге бүлегендә казанлыларга 21 нче февральдә эшкә урнашырга ярдәм итәчәкләр. Вакансияләр мини-ярминкәсе 9:00 сәгатьтән 11:00 сәгатькә кадәр узачак. Филиал Бертуган Касыймовлар урамы, 22/7 адресы буенча урнашкан. Өстәмә мәгълүматны +7(843)224-88-05 телефоны буенча ачыкларга мөмкин.

Шул ук көнне Совет районы халкы өчен вакансияләр мини-ярминкәсе оештырыла. Эш эзләүчеләр ярдәм сорап 10:00 сәгатьтән 12:00 сәгатькә кадәр Р.Зорге урамы, 102 адресы буенча мөрәҗәгать итә алачак. Консультацияләр +7(843)205-54-53 телефоны буенча үткәрелә.

Вакансияләр мини-ярминкәсе чаралар сериясен Авиатөзелеш һәм Яңа Савин районнары буенча мәшгульлек үзәге филиалы тәмамлаячак. Ул 22 нче февральдә 10:00 сәгатьтән 12:00 сәгатькә кадәр Ибраһимов проспекты, 41 адресы буенча узачак. Кызыксындырган сорауларны +7(843)560-88-98 телефоны буенча бирергә була, дип хәбәр иттеләр ведомствода.

Исегезгә төшерәбез, 2023 елда Казанда эшсезләр саны меңнән артык кешегә кимегән, ә эшсезлек дәрәҗәсе 0,49% тан 0,27% ка кадәр төшкән. Бүгенге көндә шәһәрнең 2 мең оешмасыннан 13 меңнән артык эш урыны тәкъдим итүче вакансияләр пакеты формалаштырылган. Гражданнарны эшкә урнаштыру өчен узган елда 62 вакансия ярминкәсе уздырылган.

Шулай ук укыгыз

Барлык яңалыклар