Тимур Муллин: «Казанда МХО катнашучыларына ярдәм итү буенча системалы эш оештырылган»

2024 елда халыкны эш белән тәэмин итү үзәкләренә сугышчан хәрәкәтләр зонасыннан кайткан 27 кеше мөрәҗәгать иткән

2024 елда ТР башкаласының халыкны эш белән тәэмин итү үзәкләренә МХОның 27 катнашучысы һәм аларның 18 гаилә әгъзасы мөрәҗәгать иткән. Аларның 14е эшкә урнаштырылган, 10ы – яңадан укыту узган, икесе – 145 мең сум субсидия алып, үз эшләрен ачкан. Бу хакта эшлекле дүшәмбедә «ТР Халыкны эш белән тәэмин итү үзәге» ДКУ директоры Тимур Муллин хәбәр итте.

«Казанда махсус хәрби операциядә катнашучыларга, шулай ук аларның гаилә әгъзаларына ярдәм итү буенча системалы эш оештырылган, сәнәгать предприятиеләре, бизнес, волонтерлык хәрәкәте, җирле үзидарә органнары һәм «Ватанны саклаучылар» фонды хезмәттәшлегенең төгәл схемасы төзелгән», – дип билгеләп үтте докладчы.

Аның сүзләренчә, хәзерге вакытта халыкны эш белән тәэмин итү хезмәте исемлегендә хәрби хәрәкәтләр зонасыннан кайткан 235 кеше турында мәгълүматлар бар. Демобилизацияләнгәннәрнең күпчелеге төрле сәбәпләр аркасында эшкә урнашуга мохтаҗ түгел, 18е мәшгульлекләрен саклап калган, җиде кеше исәптә тора.

Исегезгә төшерәбез, Казанда МХОда катнашучылар һәм аларның гаилә әгъзалары өчен даими рәвештә буш эш урыннары ярминкәләре үткәрелә. Якындагы бәйрәм 21 февральдә Химиклар мәдәният йортында узачак. Анда хезмәт һәм мәшгульлек, шулай ук һөнәри белем бирү мәсьәләләре буенча белгечләрдән киңәшләшергә мөмкин булачак, бу «Кадрлар» милли проектының максатларына һәм бурычларына туры килә.