Татарстан үзмәшгульләренә 129 млн сумнан артык акча түләгәннәр

Дәүләт ярдәме кысаларында аларга 2019 елда һөнәри керемгә түләнгән салымнарын кайтарганнар.

(Казан шәһәре KZN.RU, 23-нче июнь). Татарстан үзмәшгульләренә 129 млн сумнан артык акча түләгәннәр. Дәүләт ярдәме кысаларында аларга 2019 елда һөнәри керемгә түләнгән салымны кайтарганнар.

Россиянең федераль салым хезмәте идарәсенә алар тарафыннан 2019 ел өчен һөнәри керемгә үзләре түләнгән салымны кайтаруга 1,6 млрд сум бүлеп бирелгән. Федераль салым хезмәте мәгълүматлары буенча, Татарстанда бу категория бизнес вәкилләренә бирелгән дәүләт ярдәменең гомуми суммасы 138,9 млн сумнан артык тәшкил итәчәк. Субсидияләрне күчерү автомат рәвештә бара, моның өчен «Минем салым» системасында гамәлдәге банк картасы турында мәгълүматлар булу мәҗбүри.

Моннан тыш, гамәлдәге, шулай ук яңа теркәлгән үзмәшгуль гражданнар өчен бер минималь хезмәт хакы күләмендә салым капиталы бирелә (Татарстан өчен - 12 мең 130 сум). Аның хисабына үзмәшгульләр, үз акчаларын җәлеп итмичә, үз керемнәрен саклап һәм хокукый кырда эшләп, салым түләүләрен быел үткәрә алачак. Бу салым капиталы автоматик рәвештә бирелә торган 10 мең сум күләмендә гамәлдәге салым бонусын арттыра.

Татарстан Республикасы Икътисад министрлыгында капитал 2020 елның 1-нче июленнән 31-нче декабренә кадәр түләнергә тиешле салымны түләү өчен бирелә, дип җиткерделәр. Әлеге бонусны исәпләү автомат рәвештә бара, мәгълүмат шәхси кабинетта яки «Минем салым» мобиль кушымтасында күренә.

Республикада 68 меңнән артык үзмәшгуль теркәлгән. Шул ук вакытта башка Россия төбәкләрендә яшәү урыны буенча теркәлгән, әмма үз эшчәнлекләрен алып бару өчен Татарстан территориясен сайлаган чит шәһәрдән килгән гражданнар исәпкә алынмаган. Андыйлар - 7,4 меңнән артык кеше.

Шулай ук укыгыз

Барлык яңалыклар