1 октябрьдән 2 октябрьгә кадәр Казанда IoT World Summit Russia цифрлы саммит узачак

900-дән артык делегат дөнья гамәли кейслары тәҗрибәсен өйрәнәчәк һәм предприятиеләрнең төрле өлкәләрдә нәтиҗәлелеген арттыру мәсьәләләре буенча фикер алышачак.

(Казан шәһәре KZN.RU, 27-нче июль). 1 октябрьдән 2 октябрьгә кадәр Казанда IoT World Summit Russia-2018 II Бөтендөнья цифрлы саммит узачак. Анда 25 илдән 900 делегат катнашачак. Чарада катнашучылар 125-тән артык гамәли кейс өйрәнәчәк һәм предприятиеләрнең төрле өлкәләрдә нәтиҗәлелеген арттыру мәсьәләләре буенча фикер алышачаклар.

120-дән артык халыкара эксперт 4.0 индустриясе, цифрлы корпорацияләр, “акыллы шәһәр” һәм энергетика өчен технологияләр кертү тәҗрибәсен тәкъдим итәчәк. Саммитта шулай ук IoT һәм IIoT, М2М коммуникацияләр, зур мәгълүматлар аналитикасы, ясалма акыл, киберкуркынычсызлык һәм блокчейн өлкәләрендә чишелешләр тәкъдим ителәчәк.

Югары технологияле глобаль структуралар үзләренең соңгы эшләнмәләрен тәкъдим итәчәк: GE, IBM, Microsoft, Google, Oracle, Cysco System, Huawei, ICBcom һ.б. Digital-күргәзмә һәм Startup Pitch сессияләр форматында Россия, АКШ, Сингапур, Кытай, Һиндстан, Алмания, Бөек Британиядән зур тизлек белән үсеп килә торган hi-tech-компанияләр һәм стартапларның эшләнмәләре дә тәкъдим ителәчәк. Быел катнашучыларның бер көнлек “IoT Leadrship Programme” программасы буенча белем өстәргә мөмкинлеге бар.

Саммитның тулы программасы белән оештыручыларның рәсми сайтында танышырга мөмкин.

Чара Татарстан Республикасы Икътисад министрлыгы, ТР Мәгълүматлаштыру һәм элемтә министрлыгы, ТР Сәнәгать һәм сәүдә министрлыгы, ТР Инвестицион үсеш агентлыгы, Казан Башкарма комитеты ярдәме белән уздырыла.

Шулай ук укыгыз

Барлык яңалыклар