Рөстәм Миңнеханов һәм Илсур Метшин тимер-бетон эшләнмәләр җитештерә торган яңа предприятиедә булдылар

Ел саен биредә 700 мең кв. м плитка һәм 1,2 млн метрга якын бордюр җитештерелә ала.

Фото: ТР Президенты матбугат хезмәте

(Казан шәһәре KZN.RU, 17 нче август). Татарстан башкаласында «Коген Казан» ҖЧҖ тимер-бетон эшләнмәләр җитештерү буенча яңа производство ачылды. Ел саен предприятие 500-700 мең кв. м плитка һәм 1-1,2 млн метр тирәсе бордюрлар чыгара һәм төяп җибәрә ала. Татарстан Президенты Рөстәм Миңнеханов һәм Казан Мэры Илсур Метшин предприятиедә булдылар, анда җитештерү цехларын карадылар һәм продукция белән таныштылар.

Җитештерү бу елның июнендә эшләтеп җибәрелгән. Предприятие бордюрлар, су бүлү люклары, тимер-бетон киртәләр һәм плитәләр, шулай ук кече архитектура формалары җитештерү белән шөгыльләнә. Моннан тыш, биредә төрле конфигурация, шул исәптән премиум-класс плиткасы җитештерелә.

Барлык продукция югары технологияле җиһазларда коры вибропресслау ысулын кулланып җитештерелә. Мондый ысул эшләнмәнең ышанычлылыгын һәм озак хезмәт итүен, атмосфера күренешләренә бирешмәүчәнлеген һәм дымлылыкны сеңдерүнең түбән булуын гарантияли.

Рөстәм Миңнеханов һәм Илсур Метшин шулай ук ком, вак таш һәм җитештерү өчен кирәкле башка инерт материаллары булган вагоннар кабул итү мәйданчыгы белән таныштылар.

Производствода шулай ук ТР төзелеш, архитектура һәм торак-коммуналь хуҗалык министры Марат Айзатуллин, ТР транспорт һәм юл хуҗалыгы министры Фәрит Хәнифов, ТР җир һәм мөлкәт мөнәсәбәтләре министры Фәнил Әһлиуллин да булды.

Фоторепортаж

Видеорепортаж

Шулай ук укыгыз

Барлык яңалыклар