Эшмәкәрләргә җәйге чорда Казан паркларында сәүдә итү турында сөйлиячәкләр

Уңышлы бизнесменнар үз кейслары белән уртаклашачак

Пәнҗешәмбе, 20 февральдә, «АРТ» комьюнити-үзәгендә парклар һәм скверлар дирекциясенең шәһәр эшмәкәрләре белән ачык очрашуы узачак. Сүз паркларда җәйге сезонда сәүдә турында барачак. Барлык теләүчеләр дә, шул исәптән әлегә үз эшләре булмаган, әмма киләчәктә аны шәһәрнең иҗтимагый киңлекләре территориясендә ачарга һәм үстерергә теләүче кешеләр дә чакырыла.

Очрашуда Казанның парклар һәм скверлар дирекциясе җитәкчесе Айгөл Латыйпова, оешманың коммерция директоры Наилә Мелихова, «ЭкоЛогично» ширкәте рәисе Фәридә Газимова һәм башка спикерлар катнашачак. Шәһәр халкы стационар булмаган сәүдә объектларын урнаштыру өчен һәм аукционнарда ничек катнашырга кирәклеген беләчәк. Уңышлы шәһәр эшмәкәрләре һәм берләшмәләре үз кейслары белән уртаклашачак һәм тотрыклы бизнес нигезләре турында сөйләячәк.

Чара 13:00 сәгатьтә башлана. Катнашу өчен сылтама буенча теркәлү кирәк, дип хәбәр иттеләр парклар һәм скверлар дирекциясендә. «АРТ» комьюнити-үзәге Николай Ершов урамы, 62 адресы буенча урнашкан.

Шулай ук укыгыз

Барлык яңалыклар