Татарстан эшкуарлары һәм үзмәшгульләре микрозаймнарны «Минем субсидияләр» сервисы ярдәмендә рәсмиләштерә алалар

Ташламалы микрофинанслау кече бизнеска ташламалы ставка буенча 5 млн сумга кадәр акча алырга мөмкинлек бирә.

Фото: Денис Гордийко

(Казан шәһәре KZN.RU, 28 нче июль). Татарстан эшкуарлары һәм үзмәшгульләр «Минем субсидияләр» республика сервисы аша микрозаймнарны онлайн, шулай ук мобиль кушымта аша ала алалар. Финанс ярдәме алу өчен ТР Эшкуарлыкка ярдәм фонды электрон рәвештә гаризалар кабул итә.

Яңа сервис финанс ярдәме алу турында бөтен актуаль мәгълүматны үз эченә ала: гариза бирү срокларыннан алып норматив базага кадәр. Моннан тыш, ул шәхси визитны таләп итми һәм эшкуарлар өчен акча алу вакытын кыскарта, процедураларны мөмкин кадәр ачык һәм уңайлы итеп башкара.

Эшмәкәрләр елына 0,1% тан 5,5% ка кадәр ставка белән алты микрофинанс продуктларының берсен сайлап ала алалар. Алар бизнесның барлык өлкәләрен колачлый – социаль эшкуарлар, экспортерлар, үзмәшгульләр, фермерлар, җитештерү предприятиеләре һ.б. финанс ярдәме ала алачак.

Ташламалы микрофинанслау кече компанияләргә, микробизнеска һәм үзмәшгульләргә өч елдан да артмаган ташламалы ставка буенча 5 млн сумга кадәр акча алырга мөмкинлек бирә. Бу чаралар «Кече һәм урта бизнес һәм шәхси эшмәкәрлек инициативасына ярдәм» илкүләм проекты кысаларында тормышка ашырыла.

Консультацияне «Минем бизнес» үзәгенең кайнар линия телефоны буенча алырга мөмкин: +7(843) 524-90-90. Эшкуарларны шулай ук Петербург ур., 28 адресы буенча урнашкан күп функцияле үзәктә һәм ТР Эшкуарлыкка ярдәм итү фонды төбәк вәкиллекләрендә кабул итәләр. Тулырак мәгълүмат «Минем бизнес» үзәге сайтында урнаштырылган, дип хәбәр итә ТР Икътисад министрлыгының матбугат хезмәте.

Шулай ук укыгыз

Барлык яңалыклар