Татарстан эшкуарларын 2 меңләп тикшерүдән азат иттеләр

Бизнес вәкилләре, тикшерү өчен мораторий бозылган очракта, дәүләт хезмәтләре порталы аша шикаять бирә алалар.

Фото: Денис Гордийко

(Казан шәһәре KZN.RU, 15 нче апрель). ТР эшкуарлары бизнесны тикшерү өчен мораторий бозу факты буенча шикаять бирә алалар. Мөрәҗәгатьләр knd.gosuslugi.ru дәүләт хезмәтләре порталы аша кабул ителә. Мораторий бөтен ил буенча агымдагы елның мартыннан эшли, республикада 2 меңнән артык тикшерү гамәлдән чыгарылган инде.

Эшмәкәрләр шикаятьне берничә ысул белән җиткерә алалар: дәүләт хезмәтләре порталы аша, knd.gosuslugi.ru сайтындагы «Контроль органнарының карарларына шикаять» махсус бүлегендә (карау вакыты – 1 эш көне, бирү көнен санамыйча) яисә proverki.net@economy.gov.ru электрон почта адресына гариза җибәрергә була.

Республикада эшләп килүче контроль-күзәтчелек эшчәнлеге өлкәсендәге таләпләр турында эшмәкәрләр «Тикшерелгән бизнес» сайтында белә алалар. Сайтта типик хокук бозулар турында белешмәлекләр, контроль төрләре буенча чек-листлар урнаштырылган, шулай ук тикшерүләр вакытында хаталарны булдырмау буенча гамәли киңәшләр бирелгән. Консультация алу өчен +7(800)222-37-22 кайнар линия номеры яки рәсми сайттагы махсус форма аша мөрәҗәгать итәргә мөмкин, дип хәбәр итә ТР Икътисад министрлыгының матбугат хезмәте.

Шулай ук укыгыз

Барлык яңалыклар