Казанның муниципаль парковкаларында тагын 342 машина урыны барлыкка киләчәк

Үзгәрешләр Казан магистральләрендә хәрәкәт итүнең уртача тизлеген һәм шәһәр объектларына үтүчәнлекне арттырачак.

Казанда 1 февральдән муниципаль парковкалар киңлеге зонасы шәһәр урамнарының 16 участогына киңәйтеләчәк. Өстәмә 342 машина урыны Париж Коммунасы, Спартак, Курашов, Щапов, Некрасов, Пушкин, Лейтенант Шмидт, Чехов, Груздев, Айвазовский, Бутлеров, Гоголь һәм Сибгать Хәким урамнарында барлыкка киләчәк. Үзгәрешләр Казан шәһәре Башкарма комитетының 2017 елның 31 гыйнварында кабул ителгән 162 номерлы һәм 2014 елның 30 декабрендә кабул ителгән 7660 номерлы карарлары нигезендә кертелә.

Кайбер участокларда клиентларына парковка урыннарын булдыру үтенече белән кече һәм урта бизнес вәкилләре мөрәҗәгать итте.

Яңа парковка урыннарыннан файдаланган өчен түләү күләме 1 сәгатькә 30 сумнан башлана. Максималь сумма – 50 сум. Парковка өчен берничә юл белән түләп була: мобиль кушымта аша (https://parkingkzn.ru/ru/pages/payment-on-street/mobileapp), урамнарда урнашкан паркоматлар аша, СМС, веб-портал (https://parkingkzn.ru/ru/pages/payment-on-street/web).

Бүген Казанда урам-юл челтәренең 58 участогында 1811 машина урыны бар. Муниципаль парковкаларны кулланылышка кертү Казанның үзәк өлешендә транспорт белән ситауцияне яхшыртты – үтү мөмкинлеге 7 процентка артты, төп магистральләрдә хәрәкәт итү тизлеге 5км/сәг артты. Шул сәбәпле, шәһәр буенча үтүчәнлек – 18%, ә уртача тизлек 5 км/сәг. артты.

Искәртергә кирәк, “Казан шәһәренең бердәм парковка киңлеге” проектын гамәлгә ашыру шәһәр урамнарында тәртипсез рәвештә машиналарны калдырып китү проблемасын хәл итүгә, җәяүлеләр, велосипедчылар, җәмәгать транспорты һәм автомобильчылар өчен уңайлы хәрәкәт итү мөмкинлеге булдыру, шәһәр магистральләрендә тизлекне арттыруга юнәлдерелгән.

Алга таба парковка урыннарын арттыру санкцияләнмәгән парковкалар ясалган урыннарга ихтыяҗ арту яисә кече һәм урта бизнес вәкилләре мөрәҗәгатьләре буенча оештырылачак.

Яңа зоналарда муниципаль парковкалар исемлеге

Шулай ук укыгыз

Барлык яңалыклар