Казан юлларының 90 өлешендә беренче тапкыр яктылык барлыкка киләчәк

33 торак массивында 1,4 мең энергия саклый торган яктырткыч урнаштырачаклар

Быел Казанда 33 торак массивында 1,4 мең заманча яктылык диодлы яктырткыч урнаштырылачак. Бу максатларга ТР торак пунктларында тышкы яктыртуны торгызу программасы кысаларында бюджеттан 40 миллион сум акча бүлеп бирелгән.

2018 елдан 2023 елга кадәр әлеге программа буенча 400 урамда 11,6 мең яктырткыч урнаштырылган.

Моннан тыш, юл эшләре кысаларында яктырту бөтенләй булмаган 68 юл һәм тротуар участогы яктыртылачак. Болар: Татарстан урамыннан Нариманов урамына кадәр Г.Камал урамы, Нагорный бистәсендәге Дорожная, Дары заводы буйлап юл һәм башкалар. Параллель рәвештә Казанда юл тамгалары яңартыла. Сентябрь башына 400 мең кв. метр тамга төшерү планлаштырыла. Төп урамнарда эшне озакка чыдый торган термопластик кулланып башкаралар, ә хәрәкәт интенсивлыгы азрак булган урамнарда буяу кулланалар.

Шулай ук укыгыз

Барлык яңалыклар