Илсур Метшин: «Ничек инде балаларны кертмәскә? Без спорт мәйданчыклары шулар өчен ясадык һәм күп күләмдә бюджет акчаларын сарыф иттек»

Казан мэры балаларны спорт мәйданчыкларына каникул вакытында кертү мәсьәләсен хәл итәргә кушты

Бүген ТР башкаласы Башкарма комитетында эшлекле дүшәмбедә Казан мэры Илсур Метшин Мәгариф идарәсенә, балалар һәм яшьләр эшләре, шулай ук физик культура һәм спорт комитетына балаларны спорт мәйданчыкларына кертү мәсьәләсен хәл итәргә кушты. Каникул вакытында балалар террорчылыкка каршы комиссия карары аркасында урыннарда уйный алмыйлар.

Яңа Савин районы объектларының берсен карап йөргәндә Илсур Метшин бер мәктәпнең буш спорт мәйданчыгын күрде.

«Террорчылыкка каршы комиссия нигезендә оешкан балалар төркемнәре өчен генә рөхсәт ителгән булып чыкты. Комиссия карарлары тайпылышсыз үтәлергә тиеш — бу куркынычсызлык, шул исәптән безнең балалар. Ничек инде балаларны кертмәскә? Без спорт мәйданчыкларын алар өчен ясадык һәм күп күләмдә бюджет акчаларын сарыф иттек. Без балалар сәламәт яшәү рәвеше алып барсыннар, спорт белән шөгыльләнсеннәр дигән бурыч куябыз, һәм шуның белән беррәттән җәйге вакытта аларны мәйданчыкларга кертмәү өчен ниндидер чикләүләр уйлап табабыз!», – диде Илсур Метшин.

Элегрәк хәбәр ителгәнчә, быел Казанның мәгариф учреждениеләре территориясендә биш алыштыргысыз спорт мәйданчыгы төзеләчәк. Республика программасы турында 2013 елдан бирле 129 шундый урын булдырылды.

Фоторепортаж

Видеорепортаж

04.08.2025 12:46

Шулай ук укыгыз

Барлык яңалыклар