И.Метшин: «Салават күпере халкы алдында безнең бурычыбыз – сыйфатлы транспорт белән тәэмин итү»

Шәһәр башлыгы микрорайонда транспорт проблемасына игътибар итте

Фото: Денис Гордийко

Казан мэры Илсур Метшин игътибарын «Салават Күпере» микрорайонында җәмәгать транспорты проблемасына юнәлтте. Аның сүзләренчә, территориянең сизелерлек үзгәрешләренә һәм даими үсешенә карамастан, транспорт белән барып җитү мәсьәләсе халык өчен иң кискен мәсьәләләрнең берсе булып кала.

«Без халыкны ишетәбез, бурычларның масштабын аңлыйбыз. Катлаулы икътисадый вәзгыятьтә без әлегә эчке ресурсларга исәп тотабыз, алар чикләнгән. Әмма без зур эшкә һәм микрорайонның киләчәк үсешенә әзер булырга тиеш. «Салават күпере» халкы алдында безнең бурычыбыз – сыйфатлы транспорт белән тәэмин итү», – дип билгеләде Илсур Метшин.

Аның сүзләренчә, Киров һәм Мәскәү районнары соңгы елларда тамырдан үзгәрде – шул исәптән федераль һәм республика программалары, ил җитәкчелеге һәм Татарстан рәисе Рөстәм Миңнеханов ярдәме белән.

«Мин Киров районының элек нинди булуын яхшы хәтерлим. Бүген, федераль һәм республика программалары, шулай ук ил җитәкчелеге һәм Татарстан рәисе Рөстәм Миңнеханов ярдәме белән, Киров һәм Мәскәү районнары танымаслык булып үзгәрде, биредә заманча бурычлар куела, карарлар кешеләр файдасына эшли», – дип билгеләде шәһәр башлыгы Илсур Метшин.