Гыйнвар аенда казанлылар өчен өч вакансия ярминкәсе оештырыла

Шәһәрнең мәшгульлек үзәге шулай ук эш бирүче көнен үткәрәчәк

Фото: Денис Гордийко

(Казан шәһәре KZN.RU, 10 нчы гыйнвар). Гыйнвар аенда ТР башкаласында өч вакансия ярминкәсе һәм бер эш бирүче көне узачак. Очрашуларда теләүчеләр буш эш урыннары турында белә һәм белгечләр белән киңәшләшә алачак.

Беренче вакансияләр ярминкәсе 15 нче гыйнварда Вахитов һәм Идел буе районнарында узачак. Халык 9:00 сәгатьтән 11:00 сәгатькә кадәр Бертуган Касыймовлар урамы, 22/7 адресы буенча килә алачак. Белешмәләр өчен телефон: +7(843)224-88-05.

24 нче гыйнварда 10:00 сәгатьтән 12:00 сәгатькә кадәр Киров һәм Мәскәү районнары буенча Халыкны эш белән тәэмин итү үзәге бүлегендә мини-ярминкә оештырылачак. Ул Гагарин урамы, 46 адресы буенча урнашкан. Консультацияне +7(843)564-38-32 телефоны буенча үткәрәчәкләр.

Шул ук көнне 10:00 сәгатьтән 12:00 сәгатькә кадәр мини-ярминкәгә Совет районы халкы чакырыла. Эшкә урнашырга Рихард Зорге урамы,102 адресы буенча ярдәм итәчәкләр. Тулырак мәгълүматны +7(843)205-54-53 телефоны буенча белергә мөмкин.

Эш бирүче көне 26 нчы гыйнварда Авиатөзелеш һәм Яңа Савин районнарының Халыкны эш белән тәэмин итү үзәгендә узачак. 10:00 сәгатьтән 12:00 сәгатькә кадәр халык Ибраһимов проспекты, 41 адресы буенча килеп була. Белешмәләр өчен телефон: +7(843)560-88-98, дип хәбәр иттеләр Казанның Халыкны эш белән тәэмин итү үзәге матбугат хезмәтендә.

Шулай ук укыгыз

Барлык яңалыклар