Махсус хәрби операциядә катнашучыларга һәм аларның гаилә әгъзаларына 1,1 меңнән артык вакансия тәкъдим ителде

Вакантлы вазыйфалар турында «Элекон» заводы» АҖ, Казан дары заводы һәм башка предприятиеләр вәкилләре сөйләде

Фото: vk.com/cznkazan

Казанның Киров һәм Мәскәү районнары буенча Халыкны эш белән тәэмин итү үзәгендә вакансияләр ярминкәсенә 11 катнашучы һәм аларның алты гаилә әгъзасы килде. 12 эш бирүче катнашты, алар 1 102 вакансия тәкъдим иттеләр.

Ярминкәгә барлыгы 44 кеше килде, алар «Элекон» заводы» АҖ, Казан дары заводы, Казан төгәл машиналар төзү заводы, Казан оптика-механика заводы һәм башка предприятиеләрдәге вакантлы вазыйфалар турында мәгълүмат ала алдылар.

ТР башкаласында яшәүчеләр оешмаларның кадрлар хезмәтләре вәкилләре белән очраша, вакансияләр турында мәгълүмат һәм эшкә урнашу өчен юнәлеш ала алдылар. Кунакларга үзләренең һөнәри компетенцияләрен ничек арттырырга, ихтыяҗлы һөнәр буенча яңадан укырга һәм үз эшләрен ачарга кирәклеге турында сөйләделәр.

Шулай ук мәйданчыкта «Арт-терапия – эмоциональ халәтне торгызу ысулларының берсе» мастер-классы уздырылды. Барлык хезмәтләр дә бушлай күрсәтелде, дип хәбәр иттеләр шәһәрнең Халыкны эш белән тәэмин итү үзәгендә.

Шулай ук укыгыз

Барлык яңалыклар