Бүген «Ак Барс Арена» стадионы янындагы гаилә фестивалендә Ваня Дмитриенко, Хәбиб һәм «Хор Турецкого» төркеме чыгыш ясаячак

Концертка «Гаилә белән сайлыйбыз!» беләзекләрен күрсәтеп керергә кирәк булачак

Фото: Денис Гордийко

Бүген, Россия президентын сайлауларның соңгы көнендә, «Ак Барс Арена» стадионында гаилә фестивале узачак. Кунакларны Май чабу бәйрәменә багышланган күңел ачулар, урам театрлары, Россия һәм татар эстрадасы йолдызлары чыгышлары көтә. Чараның хедлайнерлары – Ваня Дмитриенко, Хәбиб, «Иванушки International», «Кар-мэн» һәм «Хор Турецкого» төркемнәре.

Программа буенча 12:00 сәгатьтә Май чабу бәйрәме планлаштырылган, ул 14:00 сәгатькә кадәр дәвам итәчәк. Аннары концерт башланачак, артистлар сәхнәгә түбәндәге тәртип буенча чыгачак:

14:30 – Анастасия Макарова һәм Камилә Измайлова;

15:00 – Хәбиб;

15:30 – Гүзәл Уразова;

16:00 – Ваня Дмитриенко;

16:30 – Фирдүс Тямаев;

17:00 – «Кар-мэн»;

18:00 –«Волга-Волга» ВИА;

18:30 – Татарстанның Дәүләт хоры;

19:00 – «Иванушки International»;

20:00 – Салават Фәтхетдинов;

20:30 – «Хор Турецкого».

Концертка керү «Гаилә белән сайлыйбыз!» беләзекләре буенча башкарылачак, алар президент сайлауларында тавыш бирүчеләргә таратыла.

23:00 сәгатькә кадәр «Ак Барс Арена» стадионы янындагы әйләнгеч юлда транспорт хәрәкәте һәм тукталышы вакытлыча чикләнәчәк. Шулай ук кайбер автобус, трамвай һәм троллейбус маршрутларының эше көчәйтеләчәк.

Шулай ук укыгыз

Барлык яңалыклар