«Залесный» мәдәният үзәгендә Мостай Кәримгә багышланган әдәби-музыкаль кичә уздырыла

«Залесный» мәдәният үзәгендә Мостай Кәримгә багышланган әдәби-музыкаль кичә уздырыла

<p> Иртәгә «Залесный» мәдәният үзәгендә «Мостай Кәрим: тормышы белән горурланырга хаклы әдип» дип исемләнгән әдәби-музыкаль кичә уздырыла. Тамашачыларга иҗади чыгышлар белән бергә, башкорт халкының күренекле фронтовик шагыйре әсәрләреннән өзекләр тәкъдим ителәчәк. </p> <p> Кичәдә «Залесный» мәдәният үзәгендә шөгыльләнүче төркемнәр һәм артистлар, шулай ук Казандагы «Башкорт корылтае» башкорт милли-мәдәни автономиясе вәкилләре катнашачак. Мостай Кәрим әсәрләреннән рус, татар һәм башкорт телләрендә өзекләр уку чараның төп вакыйгасы булачак. </p> <p> «Сентябрь. Мостай Кәрим вафат булган ай. Киләсе чараны без 20 октябрьдә аның туган көнендә бик зурлап уздырырга ниятлибез», - диде «Залесный» мәдәният үзәге директоры, «Башкорт корылтае» җитәкчесе Тимур Йосыпов. </p> <p> Искә алу кичәсе бушлай оештырыла, дип хәбәр итә Татарстан Республикасы Мәдәният министрлыгы матбугат хезмәте. Чара сәгать 14:00 дә башлана. </p> <p> Чараны оештыручылар – «Залесный» мәдәният үзәге, Татарстан халыклары ассамблеясы һәм дуслык йорты ярдәме белән Татарстан Республикасының «Башкорт корылтае» башкорт милли-мәдәни автономиясе, Казан мэриясе һәм Президентның мәдәни инициативалар фонды. </p> <p>   </p>

2025-09-23T15:31:14+0300