В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
03.12.2025, 10:01
Горки-Әмәт урманында Cube амфитеатрын төзекләндерәләр
Амфитеатрның металл нигезен һәм агач түшәмне паркка килүчеләрнең иминлеге өчен алыштыралар
Парклар һәм скверлар дирекциясе фотосы
Горки-Әмәт урманында контейнер үзәге булган Cube амфитеатры торгызыла. Корылманың тузуы төзекләндерүнең төп сәбәбе булып тора. Аның кайбер элементлары чери башлаган, шунлыктан паркта йөрүчеләрнең иминлеген саклау максатыннан әлегә амфитеатр ябык.
Хәзерге вакытта эшчеләр корылманың металл нигезен торгызу эше белән шөгыльләнә. Шулай ук корылманың терәк һәм ялганма өлешләре ныгытылачак, агач түшәм тулысынча алыштырылачак һәм яктырткыч утлар яңартылачак.
Эшләрнең кайчан тәмамланасы әлегә төгәл генә билгеле түгел, дип хәбәр итә Парклар һәм скверлар дирекциясе матбугат хезмәте.
Исегезгә төшерәбез, тиздән «Туфрактан – туфракка» проекты ярдәмендә әлеге паркта, шулай ук Юдино бистәсендә яңа компостерлар урнаштырылачак. Казанда мондый өч җайланманы: Урицкий, «Крылья Советов» паркларында һәм «Эрмитаж» бакчасында күрергә була.
Шулай ук укыгыз
-
05.06.2025, 14:27 -
20.03.2025, 10:46 -
19.03.2025, 13:21 -
20.02.2025, 14:05