Бу елда төрле дәүләт программалары буенча торак шартларын 520 гаилә яхшыртты

Казанда яшәүчеләрнең федераль һәм республика программалары аша торак шартларын яхшырту мөмкинлеге бар. Быел төрле программалар ярдәмендә Казанның 520 гаиләсе үзләренең торак шартларын яхшыртты.

Халык арасында социаль ипотека республика программасы аеруча популяр булып тора. 2025 елда әлеге программа кысаларында 496 гаилә торак шартларын яхшыртты, шул исәптән кичектергесез ярдәмгә мохтаҗ булган махсус хәрби операциядә катнашучыларның 15 гаиләсе. Алар өч социаль ипотека йортына урнашкан, шуларның берсе - «Салават Күпере» торак районында, калганнары - «Гаилә» торак районында.

«Салават күпере»ндә тагын ике йортта фатирлар уйнатылды, якын арада халыкка фатир ачкычлары тапшырылачак. Тагын 1514 гаилә фатир алыр дип көтелә.

Федераль программалар кысаларында Бөек Ватан сугышында катнашучыларның ике тол хатыны һәм гомуми авыру буенча 10 инвалид торак сатып алуга субсидияләр алды. Субсидияләр белән торак шартларын яхшыртуга мохтаҗ Бөек Ватан сугышы ветераннары, хәрби хәрәкәтләр ветераннары һәм 2005 елның 1 гыйнварына кадәр торак урыннарына мохтаҗ булган инвалидлар тәэмин ителә.

Күп балалы гаиләләргә сертификатлар бирү программасы буенча быел биш бала тәрбияләүче бер гаилә 77,36 кв.м. торак сертификаты алды. Хәзерге вакытта аларга йорт сайлана. Тагын бер торак сертификаты Чернобыль АЭСындагы авария нәтиҗәләрен бетерүдә катнашучыга бирелгән.

10 яшь гаилә торак сатып алуга социаль түләүләр алды. Тагын 48 яшь гаилә дәүләт ярдәмен көтә.

Казанлыларның федераль һәм республика программаларында катнашу өчен түбәндәге шартларга ия булуы зарур: Татарстан башкаласында даими теркәлү, торакка мохтаҗлык статусы һәм ипотека программалары өчен тиешле финанс мөмкинлеге. Документларны ТР Дәүләт хезмәтләре порталы, күп функцияле үзәкләр һәм район администрацияләре аша тапшырырга мөмкин.

Шулай ук укыгыз

Барлык яңалыклар