Клоунада жанрында спектакль һәм бию мастер-классы: 2 һәм 3 августта Казан Кремлендә бушлай чаралар узачак

Программа 15:00 сәгатьтә башлана

Ял көннәрендә Казан Кремлендә спектакльләр һәм фильмнар күрсәтү, шулай ук бию мастер-классы оештырыла. Түләүсез чаралар яшьләргә дә, өлкәннәргә дә, ТР башкаласы кунакларына да кызыклы булачак.

Бүген 15:00 һәм 17:00 сәгатьтә мультижанр артисты Руслан Риманас клоунада жанрындагы «Әби сандыгы» спектаклен тәкъдим итә. Кол Шәриф мәчете янындагы мәйданда 15:00, 16:00 һәм 17:00 сәгатьләрдә «Сәйдәш» бию театры артистлары «Татар биюе ритмында» бию мастер-классы үткәрәләр.

Кичә Гавами урыннар ишегалдында «Мой дикий друг» фильмын күрсәтү белән тәмамлана. Сюжет урманда капкынга эләккән кечкенә төлкене тапкан җиденче сыйныф укучысы Саша тирәсендә бара. Төлке артыннан аучылар барганын белгәч, малай аны урман эчендәге җир астындагы ояга яшерә һәм тәрбияли башлый. Күрсәтү 20:30 да башлана.

Якшәмбе, 3 августта, Руслан Риманас башкала халкына һәм кунакларына «Клоун Ку. Гадәти булмаган тамаша» белән чыгыш ясаячак. Мультижанр артисты тамашачыларга үзенең актерлык эшен 15:00 һәм 17:00 сәгатьтә тәкъдим итә.

Шулай ук укыгыз

Барлык яңалыклар