V чакырылыш Казан шәһәр Думасы депутатлары өчен семинар узды

Бүген Казан шәһәре Башкарма комитетының зур киңәшмәләр залында Казан шәһәр Думасының сайланган депутатлары һәм аларның ярдәмчеләре өчен семинар узды, анда муниципаль депутатлар эшенең төп принциплары каралды. Киңәшмәне Казан шәһәре Думасы секретаре Альбина Рафикова ачып җибәрде, ул барлык депутатларны һәм аларның ярдәмчеләрен сәламләде. Казан Башкарма комитеты Аппараты җитәкчесе урынбасары-Кадрлар сәясәте идарәсе башлыгы Ирина Бочкова депутатларга эшчәнлекләрендә уңышлар теләде һәм шәһәр хакына уңышлы проектларны гамәлгә ашыруларына өмет белдерде. Казан шәһәр Думасының даими һәм даими булмаган нигездә эшләүче депутатлары тарафыннан белешмәләрне декларацияләү тәртибе турында муниципаль берәмлек башлыгының коррупциягә каршы мәсьәләләр буенча киңәшчесе Беляев Кыям сөйләде, ул декларацияләрне дөрес тутыруның мөһимлеген ассызыклады һәм бу мәсьәләгә тулы җаваплылык белән карарга чакырды. Семинарда керемнәр, чыгымнар, мөлкәт һәм мөлкәти характердагы йөкләмәләр турында белешмәләр тутырганда җибәрелгән типик хаталар мисаллары каралды. Гражданнар мөрәҗәгатьләрен карау буенча эш тәҗрибәсе турында Казан шәһәре Башкарма комитеты Аппаратының Эшләр башкару идарәсе башлыгы Надежда Казаринова сөйләде. Депутатларга һәм аларның ярдәмчеләренә мөрәҗәгатьләрнең төрләре, карау тәртибе, язма мөрәҗәгатьне җибәрү һәм теркәү, карау сроклары, язма җавапка таләпләр, гражданнарны шәхсән кабул итү һәм 59-ФЗ номерлы Федераль законны бозган өчен җаваплылык турында искә төшерделәр. Семинар азагында Кыям Беляев керемнәр, чыгымнар, милек һәм милек характерындагы йөкләмәләр турында белешмәләр тапшыру процессында тулы җаваплылык белән катнашырга чакырды. "Декларация кампаниясе чорында мондый семинарларга ихтыяҗ зур. Муниципаль хезмәткәрләр һәм муниципаль вазыйфаларны биләүче затлар керемнәр турындагы белешмәләрне тапшыруга җаваплы карыйлар, шуңа күрә аларны коррупциягә каршы законнардагы үзгәрешләр белән вакытында таныштыру мөһим», – дип нәтиҗә ясады Кыям Беляев.