Бәллүр люстраларны кул белән юу, яңартылган фасад һәм архитектура яктылыгы – Казан Ратушасын БРИКС чараларына әзерлиләр

1854 елда төзелгән бинаның барлык тарихи элементлары ремонт эшләре вакытында сакланган

Казан Ратушасын 2005 елда төзекләндерүдән соң быел беренче мәртәбә капиталь ремонт ясала. Финал стадиясендә гомуми авырлыгы тоннадан артык булган өч люстраны юуга керештеләр. Эшләрне 21 июньгә, ТР башкаласында БРИКС илләре Ассоциациясенең беренче оештыру җыелышын үткәрү алдыннан төгәлләү планлаштырыла. 100 мэрдан артык килгән рәсми чараларның бер өлешен нәкъ менә Ратушада үткәрү планлаштырыла.

Театр мәйданында бина (ул вакытта Ирек мәйданы шулай атала иде) Дворян җыелышы өчен 1854 елда төзелә. Архитектор Михаил Коринфский Татарстан башкаласы өчен шактый сирәк һәм Санкт-Петербург архитектурасы өчен хас неоренессанс стилен сайлаган. Ратушаның эчке бизәлеше өч төсле – кызыл, ак һәм алтын төсләр белән ампир стилендә эшләнгән.

Совет чорында бинада республика Югары Советы утырышлары узган, офицерлар йорты урнашкан. 1997 елда корылманы Казан Ратушасына тапшырдылар. Хәзер анда шәһәр Думасы депутатлары җыела, күргәзмәләр, хәйрия концертлары һәм балалар өчен яңа ел тамашалары үткәрелә.

Бүген Ратушада капиталь ремонт төгәлләнеп килә – 2005 елда Казанның 1000 еллыгын бәйрәм итү кысаларында бинаны реконструкцияләү вакытыннан беренче тапкыр. Объектта гидроизоляция уздырганнар, түбәсен ремонтлаганнар, фасад буяганнар, кондиционирлау һәм вентиляция, җылылык һәм канализация системаларын яңартканнар. Бинаны тышкы яктан архитектура яктылыгы бизәячәк, түбәдә яңа су стоклары урнаштырачаклар, дип хәбәр итте «Казан Ратушасы» МУП директоры Динә Латфуллина.

Эшләр башкарылганда барлык тарихи элементлар сакланган. Шулай ук фасадта Казан гербын яңарттылар, электр белән тоташканнан соң, тышкы сәгатьләр эше торгызылачак. Барлык эшләр тәмамлану белән дәүләт флагларын чыгарачаклар.

Ратушаның колонна залы бизәгән өч зур бәллүр люстрны чистарту бурычларның берсе булды. Юу өчен генә дә берничә сәгать вакыт кирәк, ә эшне алты кеше эшли.

Swarovski бәллүрдән эшләнгән люстраларны Австриядән 2005 елда алып киләләр. Аларның авырлыгы 450 кг чамасы.

«Бинада хәзер ремонт эшләре бара, шуңа да күп төзелеш тузаны барлыкка килде. Җиһазларны чистартырга кирәк иде. Гадәттә люстраларны Ратушада чаралар үткәрелмәгән чорда юалар, ягъни җәй көне», – дип сөйләде Динә Латфуллина.

Озын эксплуатация дәверендә тәрәзәләр дә төс һәм ачыклыкны югалтканнар, шуңа күрә аларны реставрацияләделәр. Портьерларны яңарттылар. Казан башкарма комитетының мәдәният идарәсе ярдәмендә банкет залында концертлар уздыру өчен ак рояль урнаштырачаклар.

«Без күп эш башкардык инде. Безгә соңгысын да эшләп бетерергә кирәк: паркетны полировкалау, җиһазларны элекке урыннарга күчерү. Алга таба хезмәткәрләр кабинетларын тәртипкә китерәчәкбез», – дип сөйләде Динә Латфуллина.

Эшләрне 21 июньгә, ТР башкаласында БРИКС илләре Ассоциациясенең беренче оештыру җыелышын үткәрү алдыннан төгәлләү планлаштырыла. 100 мэрдан артык килгән рәсми чараларның бер өлешен нәкъ менә Ратушада үткәрү планлаштырыла.

Искәртеп узабыз, Татарстан Республикасы башкаласында БРИКС саммитына шулай ук Казан Кремле территориясендәге биналарның фасадын, шул исәптән төньяк корпус, Сөембикә манарасын һәм юнкерлар училищесын яңартачаклар. Халыкара вакыйгага шәһәрнең 44 урамындагы 200дән артык тарихи объектны тәртипкә китерәчәкләр. БРИКС Уеннарына «Трудовые резервы» стадионында бокс залы бинасы фасадын төзекләндерәчәкләр.