KZN.RU порталында Гражданнар оборонасы һәм гадәттән тыш хәлләр буенча укыту-консультация пункты барлыкка килде

KZN.RU порталында Гражданнар оборонасы һәм гадәттән тыш хәлләр буенча укыту-консультация пункты барлыкка килде

<div class="detail-picture"> <img src="https://kzn.ru/upload/iblock/0f3/0f37eabb6624f7c983f71df65ba4a353.jpg"> <p class="detail-picture__caption"> Денис Гордийко фотосы </p> <p> </p> <p> KZN.RU порталында Гражданнар оборонасы һәм гадәттән тыш хәлләр буенча укыту-консультация пункты эшләнелде. Әлеге бүлектә ашыгыч хәлләрдә гомерне саклап калырга ярдәм итә торган материаллар: белешмәлекләр, күрсәтмәләр, укыту фильмнары һ.б. урнаштырылган. </p> <p> Укыту-консультация пункты җиде бүлектән тора. «Гадәттән тыш хәлләр вакытында халыкның гамәле» дип аталган беренче бүлек гадәттән тыш төрле хәлләр вакытында гамәлләр алгоритмын тасвирлый торган методик материалларны үз эченә ала. </p> <p> «Террорчылыкка каршы тору» бүлегендә террорчылыкка каршы куркынычсызлык кагыйдәләре турында аңлата торган фото- һәм видеоматериаллар урнаштырылган. </p> <p> Беренче ярдәм күрсәтү буенча аерым бүлек булдырылган. Анда темага кагылышлы методик, фото- һәм видеоматериалларны күрергә була. Әлеге бүлектә җәрәхәтләнү, пешү, аңны югалту һәм башка очракларда беренче ярдәм күрсәтүгә юнәлдерелгән гамәлләр турында сөйләнә. </p> <p> Гражданнар оборонасы өлкәсендә норматив-хокукый актлар белән «Гражданнар оборонасы һәм гадәттән тыш хәлләр буенча норматив-хокукый база» бүлегендә танышырга була. </p> <p> Яңа сәхифәдә шулай ук Казанның укыту-консультация пунктларының адреслары турында мәгълүмат урнаштырылган. Аны «Казан шәһәре территориясендә укыту-консультация пунктларының урнашу урыннары» бүлегендә табарга була. </p> <p> Моннан тыш, шәһәрдә яшәүчеләр пилотсыз очу аппаратларына юлыгу һәм аның һөҗүме вакытында гамәлләр тәртибе турында мәгълүмат таба ала. Биредә гражданнар өчен күрсәтмәләр һәм үз-үзеңне тоту кагыйдәләре, шулай ук фотоматериаллар урнаштырылган. </p> <p> «Балалар куркынычсызлыгы» бүлегендә янгын вакытында балигъ булмаганнарның һәлак булуына юл куймау белешмәлеге һәм суда үз-үзеңне куркынычсыз тоту кагыйдәләре күрсәтелгән. Биредә шулай ук төрле очраклар өчен тәкъдимнәр белән фотоматериалларны күрергә мөмкин. </p> <p> Укыту-консультация пункты Гражданнарны яклау идарәсе тарафыннан булдырылган. Тулы мәгълүматны әлеге <a target="_blank" href="https://kzn.ru/meriya/ispolnitelnyy-komitet/upravlenie-grazhdanskoy-zashchity/virtualnyy-uchebno-konsultatsionnyy-punkt-po-grazhdanskoy-oborone-i-chrezvychaynym-situatsiyam/">сылтама</a> аша табарга була. </p> </div> <br>

2025-11-07T14:47:38+0300