Яңалыклар
28.03.2025, 17:21
Казанлы Артур Лагутин «Шиповка юных» бөтенроссия ярышларында алтын медаль яулады
Спортчы 6,37 нәтиҗәсе белән «озынлыкка сикерү» дисциплинасында җиңүче булды
«Үзәк» физкультура-спорт җәмгыяте шәкерте «Шиповка юных» җиңел атлетика ярышында алтын медаль яулады. Артур Лагутин, 6,37 нәтиҗәсе белән көндәшләрен узып, озынлыкка сикерү осталыгын күрсәтте.
Моннан тыш, спортчы снаряд ыргытуда уңышлы чыгыш ясады һәм 66,94 нәтиҗәсе белән бронза медаль алды. Казанда Артур Лагутин Анна Иванова җитәкчелегендә шөгыльләнә, дип хәбәр иттеләр физик культура һәм спорт комитетында.
Ярышлар 20 – 27 мартта «Үзәк» стадионы манежында узды.
Элегрәк хәбәр ителгәнчә, «Авиатор» спорт мәктәбе тәрбияләнүчесе кыяга үрмәләп менү буенча бөтенроссия ярышларында бронза алган. Алисә Вәлиева 18 – 19 яшьлек яшүсмерләр арасында «Кыенлыкка үрмәләү» дисциплинасында югары нәтиҗә күрсәтте.
Шулай ук укыгыз
-
20.03.2025, 10:46 -
19.03.2025, 13:21 -
20.02.2025, 14:05 -
07.02.2025, 11:59
