Казанда кунакханә хуҗалары туристлык салымын түләмәячәк гражданнар исемлеге киңәйтеләчәк

Аларга мәгариф оешмаларының урнаштыру чараларында яшәүче студентлар һәм СВО территориясеннән китәргә мәҗбүр булган затларны кертәчәкләр

Казанда кунакханә хуҗалары туристлык салымын түләмәячәк гражданнар исемлеге киңәйтеләчәк. Аларга белем бирү оешмаларының урнаштыру чараларында яшәүче студентлар, СВО территориясеннән китәргә мәҗбүр булган затларны, шулай ук гадәттән тыш хәлгә бәйле рәвештә кунакханәләрдә урнаштырылган көндезге һәм читтән торып уку формасында укучы студентларны кертү планлаштырыла.

Шул ук вакытта Россия Федерациясе Салым кодексына туристлык салымын керткән вакытта түбәндәге ташламалы категорияләр билгеләнде: Советлар Союзы Геройлары, Россия Федерациясе Геройлары, Бөек Ватан сугышында катнашучылар һәм инвалидлар, сугышчан хәрәкәтләр ветераннары һәм инвалидлары, I һәм II төркем инвалидлар, балачактан инвалидлар, инвалид балалар.

Исегезгә төшерәбез, Казанда туристлык салымы 2025 елның 1 гыйнварыннан кертелде. 2025 елга салым ставкасы 1% күләмендә билгеләнгән, алга таба ставканың еллык үсеше 1% ка каралган. Әйтик, 2026 елда 2%, 2027 – 3%, ә 2029 елга күрсәткеч максималь мөмкин булган 5% ка җитәчәк. Шул ук вакытта салымның минималь суммасы тәүлеккә 100 сум тәшкил итә.

Казан шәһәре думасы карар проекты нигезендә туристлык салымын түләүдән «йолдызларсыз» категориясе булган урнаштыру чаралары хуҗалары азат ителә. Бу түбән бәя сегменты кунакханәләренә салым йөкләнешен киметергә мөмкинлек бирәчәк.

Шулай ук укыгыз

Барлык яңалыклар